Möggumót haldið síðasta laugardag
Laugardaginn 10. nóvember fór fram vinamót í Íþróttaakademíunni. Mótið kallast Möggumót og er haldið til heiðurs stofnanda deildarinnar. Fimleikadeild Keflavíkur hefur ekki haldið þetta mót síðan flutt var í nýtt húsnæði. Hingað til hefur þetta mót verið fyrir keppendur í 6. þrepi en nú í ár ákvað deildin að bjóða upp á 5. þrep og 5. þrep létt. Að þessu sinni var einungis hægt að bjóða stúlkum á þetta mót. Ástæðan fyrir því er að deildin á ekki keppnisáhöld fyrir stráka. Stefnt er að því að halda Möggumótið árlega og bundið er við vonir um að hægt verði að bjóða strákum á Möggumótið að ári liðnu. Hins vegar var haldið keyrslumót á föstudeginum fyrir þá stráka sem eru að æfa hjá Fimleikadeild Keflavíkur og eru að stíga sín fyrstu skref í keppnisæfingum. Foreldrum og vinum var boðið til að koma horfa á og gerðu þeir sínar æfingar eins og um keppni væri að ræða. Að kvöldi loknu fengu allir strákarnir viðurkenningar.
Möggumótið hófst klukkan 8:00 um laugardagsmorguninn og því var lokið um kl: 18:00 en mótið skiptist í þrjá hluta. Keppt var í 6-7 manna liðum þar sem 5 hæstu einkunnir úr hverju liði töldu til úrslita. Einungis voru gefin verðlaun fyrir fyrsta sætið en allir keppendur fengu viðurkenningar fyrir þátttökuna. Í fyrsta hluta var keppt í 6. þrepi, í öðrum hluta var keppt í 6. þrepi og 5. þrepi létt og í síðasta hlutanum var keppt í 5. þrepi og var því þrepi aldurskipt í yngri og eldri. Í 5. þrepinu voru svo krýndir Möggumeistarar 2012 úr báðum aldurshópunum.
Fjöldi keppanda var í kringum 260. Þau lið sem tóku þátt í mótinu voru Grótta, Gerpla, Ármann, Fjölnir, Stjarnan og Björk.
Stjörnuliðið sem vann fyrsta sætið í 5. þrepi eldri
Katrín Sigurðardóttir úr Gróttu.
Möggumótsmeistari í 5. þrepi yngri
