Möggumót 2008
Næstkomandi Laugardag fer Möggumótið okkar fram. Von er á u.þ.b. 120 stúlkum frá 4 félögum, Ármanni, Björk og Stjörnunni, ásamt heimastúlkum úr Keflavík. Keppt verður í 6.þrepi í fyrri hluta mótsins en 5.þrepi í síðari hluta. Mótið er haldið til heiðurs Margréti Einarsdóttur stofnanda fimleikadeildar Keflavíkur.
Frítt er inná mótið og viljum við hvetja alla til að fjölmenna og fylgjast með skemmtilegu móti. Í fyrra var fjöldi áhorfenda og mikil stemming.
Hópar sem taka þátt í mótinu fyrir hönd Keflavíkur í ár eru Hvítur hópur, Sægrænn hópur, 5.þrep yngri og 5.þrep eldri.
Við erum búnar að vera að dreifa miðum í salnum síðustu daga en hér á eftir fylgir nánari tímasetning
Keppendur í 6.þrepi: - Liðakeppni
Mæting 09:00 – Upphitun
Innmars 10:00 og keppni hefst
Keppni lýkur um 11:45 – verðlaunaafhending í kjölfarið og móti slitið.
Stúlkur í hópunum 5.þrep Yngri og 5.þrep Eldri eru búnar að vera að vinna af mikilli elju í 5.þreps æfingunum sínum og jafnt og þétt ná tökum á þeim. Núna á næstu mánuðum eru nokkur mót framundan og þær sem treysta sér til hverju sinni, færast yfir í 5.þrepið. Stúlkurnar í þessum 2 hópum sem eru að æfa 5.þrep en keppa í 6.þrepi á Möggumóti eru beðnar að vera áfram með okkur þar til seinni hluta mótsins líkur og taka þátt í skemmtilegum degi með okkur. Ef einhverjar komast ekki í seinni hlutann endilega látið vita.
Keppendur í 5.þrepi:
Mæting 11:45 – Upphitun
Innmars og keppni hefst 12:30
keppni lýkur um 14:45, í kjölfarið ætlum við í leiki saman og eiga skemmtilega stund með fimleikagestunum okkar úr bænum.
Stúlkurnar eru beðnar að mæta tímanlega, tilbúnar á félagsbolnum sínum, með hárið vel greitt frá andlitinu og enga hangandi skartgripi.
Vinsamlega boðið forföll til viðkomandi þjálfara.
