Jólasýning
Jólasýning Fimleikadeildar Keflavíkur var haldin 8. desember síðastliðinn, en höfundur hennar í ár er Hildur María Magnúsdóttir. María Óladóttir og Jane Petra Gunnarsdóttir voru umsjónarmenn upphafs og lokaatriðis. En eins og alltaf hafa iðkendur, þjálfarar og stjórn lagt mikinn metnað í að gera sýninguna sem glæsilegasta. Þema sýningarinnar í ár voru jólasveinarnir 13 og voru sagðar skemmtilegar sögur af þeim á milli dans og áhaldaatriða. Sögumaður sýningarinnar var Davíð Óskarsson. Eftir sýninguna var gestum boðið upp á veitingar í B-sal. Skyrgámur jólasveinn mætti í kaffið og gladdi börnin. Styrktaraðilum sýningarinnar er þakkað fyrir góðan stuðning en þeir eru Samkaup, Sigurjónsbakarí, Nýja Bakarí og BYKO. Sérstakar þakkir fær þó Grétar Ólason fyrir lán á jólaskrauti.
