Hello Kitty
Laugardaginn 22. janúar fóru 50 stúlkur frá Fimleikadeild Keflavíkur á Hello Kitty mót Gróttu. Stúlkurnar voru á aldrinum 7 – 13 ára, sem kepptu í 6. – 4. þrepi íslenska fimleikastigans. Flestir keppendur voru í 6. þrepi. Í flokki 7 – 8 ára fengu allir keppendur verðlaun fyrir besta áhaldið sitt. Í þeim flokki áttum við 2 efstu stúlkurnar, þær Lovísu Andrésdóttur og Laufeyju Ingadóttur. Í flokki 9 – 10 ára var keppt í liðakeppni og stóðu Keflavíkur stúlkur sig með mikilli prýði. Þær urðu í fyrsta sæti í liðakeppninni. Í liðinu voru þær stöllur Bergrún Una Gunnarsdóttir, Eva María Davíðsdóttir, Hanna María Sigurðardóttir, Jenný Elísabet Ingvarsdóttir og Þórunn María Garðarsdóttir. Eva María og Þórunn María röðuðu sér í 2 efstu sætin í einstaklingskeppninni. Einnig stóðu þær Edda Karlsdóttir, Guðrún Hanna Jónsdóttir, Hjördís Lilja Traustadóttir, Ingibjörg Birta Jóhannsdóttir og Jóna Kristín Einarsdóttir sig mjög vel og enduðu í 4. sæti í liðakeppninni.
Í 4. þrepi varð Elma Rósný Arnarsdóttir í 2. sæti og Alísa Rún Andrésdóttir í 3. sæti.
Árangur helgarinnar er mjög góður og gaman að geta þess að fimleikafólk tekur eftir jákvæðum breytingum á iðkendum Fimleikadeildar Keflavíkur.
Við óskum öllum stúlkunum innilega til hamingju með árangurinn um helgina.
Þjálfarar og stjórn
