Fimleikamaður Keflavíkur
Berglind Björk Sveinbjörnsdóttir er fimleikamaður Keflavíkur 2008. Berglind hefur æft hópfimleika í mörg ár og er lykilmaður í liði sínu hjá Keflavík. Helstu afrek Berglindar og auðvitað liðsins á árinu eru eftirfarandi.
2 sæti á trampólíni og dansi á bikarmóti FSÍ í hópfimleikum
Á íslandsmóti í hópfimleikum náði Keflavík í fyrsta skipti að keppa til úrslita á öllum áhöldum. En á íslandsmót komast aðeins að sex bestu liðin frá mótum vetrarins. Stúlkurnar stóðu sig frábærlega og urðu í 2 sæti í dansi og á dýnu.
Liðið sem Berglind keppir með var einnig innanfélagsmeistari Keflavíkur í hópfimleikum í ár. Var það í fyrsta sæti á öllum áhöldum.
Á haustmóti FSÍ 22. nóvember síðastliðinn sendi Keflavík í fyrsta skipti lið í teamgym í fullorðinsflokki en þá er dæmt eftir Evrópureglum. Liðið stóð sig mjög vel og lenti í 2 sæti samanlagt.
Berglind Björk er mikill íþróttamaður og fyrirmynd annara í félaginu. Fimleikadeildin er stolt af að hafa hana innan sinna raða.
