Aðalfundur fimleikadeildar

Aðalfundur Fimleikadeildar Keflavíkur var haldinn 25. janúar.  Fundarstjóri var Ellert Eiríksson.  Er skemmst frá því að segja að rekstur deildarinnar gekk ágætlega á síðasta ári.  Mannabreytingar urðu á stjórn deildarinnar.  Ella Magga gaf ekki kost á sér sem formaður en situr áfram í stjórn.  Eva Sveinsdóttir var kjörin nýr formaður.  Kolbrún Pétursdóttir og Ágústa Ásgeirsdóttir gáfu ekki kost á sér áfram  og þeirra sæti í stjórn taka þær Halldóra Guðmundsdóttir og Helga Hildur Snorradóttir.  Eru nýjar stjórnarkonur boðnar velkomnar og þeim gömlu þakkað fyrir samstarfið.

4 stúlkum voru veittar viðurkenningar fyrir góðan árangur í fimleikum.  Þær heita Selma Ólafsdóttir, Elísa Sveinsdóttir, Eva Rós Guðmundsdóttir og Sunneva Fríða Böðvarsdóttir.

Einar Haraldsson formaður Keflavíkur sagði hvað helst væri á döfinni hjá félaginu, þar ber hæst bygging félagsaðstöðu við sundmiðstöðina.  Um 30 manns mættu á fundinn sem er mikil fjölgun frá síðasta aðalfundi.  Í lokin var síðan boðið upp á kók og prins.